老媽入左醫院!!!

好擔心...好擔心...
不過其實我都做唔到d咩
做到ge只係放幾日假
日日都去睇佢
幫佢做屋企ge家務
我希望佢可以快d冇事
同以後都冇事~~~

P.S.係呢度送首歌俾佢la~
仲有...媽我大個la...你唔洗擔心我~

一晚長大---- 劉德華

人大了 方知天有幾高 停下了 方知走了彎路
從晚間 等清早  等青春不蒼老　
還尚有多久等我虛耗　

時日太快　無知的小孩一晚長大　
有些愛身邊擦過　無奈眼光未放大　
才明白能活於一分一秒　當下仍愉快　
咬緊拳頭不怕捱　青蔥歲月會跑得很快

留下了不懂把你當寶　離別了方清楚你的好　
還要等數十年　雙手觸摸不到　
才驟覺很想跟你擁抱　

時日太快　無知的小孩一晚長大
有些愛身邊擦過　無奈眼光未放大　
才明白能活於一分一秒　當下仍愉快　
咬緊拳頭不怕捱　青蔥歲月會跑得很快　

用你心來盡加一生一世　未來才愉快　
哪管無聊的安排　不可教夢與想被活埋　
昨天那無知小孩　珍惜你尚有這份情懷

OUTBACK足球隊正式成立

開心ge晚上

雖然.....不過....
已經足夠了~

 對不起

先要同大家道個歉先...
原來一直唔update xanga, 原來會令大家少左娛樂
乜原來我ge故事可以娛樂大家咩??

禮物???

好開心!!!最近收左一份禮物
唔係本大爺生日wo, 又唔係咩節日喜慶~
不過都有禮物收~好開心!!!!
雖然唔係咩貴ge野...
不過o個份心意, o個種細心, o個種"驚喜"
用錢係買唔到ga!!!

特別嗚謝~~好朋友!!!!
物輕情義重呀!!!

手信

人好自然多人錫!!
對面Starbucks ge其中一位員工,
去泰國ge時候竟然買手信俾我!!!
真開心!!!

紅顏知己結婚了~

曾經同我共渡好多喜怒哀樂ge雲尼結婚了~
希望佢以後都幸福快樂la~
快d生個BB俾我地玩!!!

睇到佢地都開心呀!!!

新手提電話

哈哈哈~~~終於部電話唔洗成日自動turn off la
我終於買左新電話
---KS 20---

簡直同我絕配呀!!! 哈哈哈~~

復出

哈哈哈~~~終於都可以踢波同跳舞la!!!
隻腳好返近9成
仲有一成要做多d運動先可以100%康復
第一日踢波就有士哥
真係有d運呀~~哈哈哈

P.S.
update住咁多先
我見咁多人話我唔update先唔瞓都update
最近真係好忙...唔係一般ge忙...
係忙到飛起...差唔多打機都冇時間...

同大家補祝返先:

恭喜發財
&
情人節快樂

雖然可能已經冇人睇...

講返近期係我身邊轉變ge事物真係好多
多得好誇張...公事, 私事, 身體...
老闆最後都係換左...
不過在於我ge立場黎講可能係一個好ge轉變
轉變可以講成為一個機會
重新開始ge機會
我希望今次ge轉變可以為我帶來公作上ge機會
好希望自己再進步, 再上一層樓!!!

最近有兩個人一直都令我好煩...
不過事情睇黎已經明朗化
因為佢地ge行動証明左一切
希望我ge決定唔會錯la~

發現左原來有好多人都係覺得我ge為人如下:
口花花, 唔認真, 隨便同任何人開始關係...
可能我本身個人真係口花花, 唔認真...
不過講到拍拖, 我決不馬虎!!!!!
如果我係有心同一個人開始,
我係想同佢有張來...而唔係玩!!!
請大家唔好誤會我~

哈哈哈~~~我隻腳已經有90%康復
仲有10%要係一d運動中康復
雖然已經跳返舞...不過都唔敢跳得好勁
希望快d完全康復就好la~~

見返一個好耐冇見ge好朋友
唔知係自己成熟左, 定係佢退步左
完全冇長進....
明白左一個非常普通ge道理
環境會帶你進步, 而同一時間亦會帶你退步

最近去左孖展屋企打麻雀
李媽媽都不知幾like我同佢打麻雀
因為我輸到p晒k...哈哈
不過我都真係唔應該打...
坐係我後面ge阿齊見到我d牌都覺得.....
錢財身外物....玩下jar~

我的近況

----身體----

腳傷已經進入最後階段
要做多d"適量"運動
最慘係仍然唔可以做我最想做ge運動
"踢波"同"跳舞"
好多同事都見到我係度想跳想跳咁...
之後佢地就一定講唔好跳la.
不過又會有人叫你跳
而且仲要係同一個人!!!
冇運動+冬天=肥
唔可以做運動已經肥左唔少
仲要冬天好似食極都唔飽!!!!
我已經變返好似以前咁肥la...
我要快d好返跳舞呀!!!!!

----工作----

估都估唔到公司有大變動
雖然我冇去第二度, 不過我老闆就轉左人
都唔知好事定壞事

Tony過左黎幫左幾日手
佢俾左好多啓發我...我明白應該點去再做好d
人係應該求進...因為不進則退!!!
不過我ge改變希望都會影響大家
因為我想大家一齊進步!!!

----愛情----

完全一譚死水, 唔知想點
好似好接近, 不過又好似好遠
好似好遠, 不過又好似好接近
一句講晒
睇個天想我點

----友情----

最近都冇乜同朋友們見面
同左d舊同事飲下野吹下水
又同左d舊同事睇Joey演唱會~~好好睇呀!!!!正呀!!!

知己好友雲尼要結婚la!!!
好突然...希望佢唔會後悔la~
我係呢度祝福佢幸福~~

----生活----

過得都幾好la...不過日出而作
收工都要返屋企lu...
不過好在都有做過d自己想做ge野...
好似睇戲咁la~~
最近睇左CJ7同AVP
好滿足ga la~~呢兩套戲都幾好睇
P.S.你地唔好覺得CJ7仲好似以前周先生ga style wo~

最近有一個可能係不良ge習慣
Drink Coffee
每日都飲兩杯...如果唔係就會唔夠電到收工
可能好似d食煙ge人咁...
我已經上左痕la......
不過係買coffee ge時候
不知不覺同 Starbucks d staff 越黎越熟~
佢地仲會俾free我ga~~哈哈哈

可以休息嗎??

傷左咁耐...公司ge人都好似當我冇事ge一樣...
但係個中ge辛苦真係冇咩人知...
想坐下又好似渣流
雖然感覺好左好多...
不過醫生話呢個時間先係最危險
o岩o岩好左, 又唔係好晒...
不過我呢份工真係可以死唔可以病
冇計
只可以希望唔好再整到

朋友多~~

人地話獅子座人緣廣
我呢一隻獅子仔當然人緣都廣la~~
整親隻腳之後已經有唔少人用唔同ge方法問侯我
MSN, SMS, 打電話, 見面等等......
好似有一日上左孖展屋企睇波
大家都好關心我, 好溫暖ge一個大家庭~~
展媽同李太又整野食俾我食
多謝晒~~~哈哈

1月15日

恭喜晒王大小姐
又大一年又老一年
希望你以後都開開心心~~
越黎越靚~~~
P.S.知你多人約ga la...我地遲d先約la~

我近期最like聽ge music就係佢地la~~
超正~~如果你係打工仔一定要聽下!!!

農夫

日出而作

返工放工　幾點至夠鐘
SICK LEAVE要點用　開會有乜用
打卡打卡打記得打卡
日出而作　搏一搏　我架單車都變麾托

睡眼惺忪9點鐘　記得起身返工
9個鐘9個鐘每日返9個鐘
個個都要返工　返工先唔使窮　證明你有用
份糧月中已經唔夠用　
第1個鐘輕輕鬆鬆　等第2個鐘
第2個鐘去SITE VISIT　順便去埋GAME ZONE
第3個鐘打電話　打成個鐘至接通
之後o個4個鐘勁多野做o係公司四圍中
入廁所沖嚇沖嚇 又釣魚中嚇中嚇
拿杯咖啡沖嚇沖嚇　沖嚇沖嚇沖嚇沖嚇
咁又衝到最尾o個個鐘
個個睇住個鐘　個個等放工
放工去玩又驚第二朝早起又驚糧尾
返工係一個得閒死唔得閒病o既遊戲
你老闆唔鍾意你 你唔鍾意份工
鬼叫你鍾意份人工 咁就冇野需要理

返工放工　幾點至夠鐘
SICK LEAVE要點用　開會有乜用
打卡打卡打記得打卡
打卡最型　打極唔停 打少一成會雙目失明

大部份o既老細會低估員工o既能力
大部份o既員工會低估老細o既智力
大部份o既老細會挑戰員工o既耐力
大部份o既員工會問同事拿零食

番工放工　幾點至夠鐘
SICK LEAVE要點用　開會有乜用
打卡打卡打記得打卡
日搏夜搏先發覺　最鐘意讀書返學

永遠就o黎遲到　班地鐵一定趕唔到
好彩第一個返到　老細又睇我唔到
成個朝頭早已經有鬼咁多野做
臨放工終於做到趴o係度
有人冇o野忙又要扮忙
女同事化完妝又要補妝
係pantry入面o既pantry黨扮開會同一個
PROJECT講完又講

掃把話唔夠數　出o黎捉人去跑數
跑極都係唔夠數　份人工又唔巖數
最唔抵飲完酒晚起唔到身返唔到工
詐病請病假　又要付出代價
好彩呀邊個有醫生紙明碼實價　仲要做緊特價
請夠四日都唔怕
費時返到公司　好似隻死屍
放工去開P　點知要OT
打卡打卡記得打卡　
唔係O左T有邊個知

返工放工　幾點至夠鐘
SICK LEAVE要點用　開會有乜用
打卡打卡打記得打卡
(喂 今晚我要早走呀 可唔可以幫嚇我手呀)

番工放工　幾點至夠鐘
SICK LEAVE要點用　開會有乜用
打卡打卡打記得打卡
(尋晚我都冇走　點打卡嗜)